O cinema foi o que me moveu a entrar no medio audiovisual hai máis de 30 anos. Un longo percorrido que me levou por diferentes medios e funcións, desde a fotografía á televisión, desde a publicidade ao cinema, actividades que puiden compaxinar de forma continua coa miña vocación pola docencia, impartindo multitude de cursos tanto en formación oficial (Ciclo Superior de Imaxe) como en obradoiros e cursos curtos. 

En 2007 fundo a produtora Adarme Visual, realizando encargos profesionais para empresas e institucións públicas; e como freelance para outras produtoras especialiceime na dirección de fotografía en publicidade e outros xéneros. Acumulo unha sólida experiencia como realizador de vídeo-clips, documentais, programas de TV, pezas multicámara, corporativos etc. 

Paralelamente a este labor profesional sempre traballei en proxectos persoais e creativos de ficción, videocreación, fotografía e documental. En 2018 estreo “La felicidad de los perros”, a miña primeira longametraxe de ficción, pero ata chegar aí escribín e dirixín varias curtametraxes de ficción e documental.

Na miña web poderás atopar máis información sobre min: www.davidhernandez.eu